پنجاب میں گاڑی اور موٹر سائیکل کی ٹرانسفر پر نئی پالیسی اور فیس میں اضافہ (رپورٹ ملک حسان قذافی )

Admin اگست 31, 2025

(رپورٹ ملک حسان قذافی )

پنجاب کے محکمہ ایکسائز اینڈ ٹیکسیشن نے گاڑیوں اور موٹر سائیکلوں کی ٹرانسفر کے لیے ایک نیا نظام متعارف کرایا ہے۔ اس نئی پالیسی کا مقصد سکیورٹی کو بہتر بنانا، گاڑیوں کے غیر قانونی استعمال کی روک تھام کرنا اور رجسٹریشن کے عمل میں شفافیت لانا ہے۔ اس نظام کے تحت اب گاڑی نہیں، بلکہ نمبر پلیٹ مالک کے نام پر رجسٹرڈ ہوگی۔

نئی پالیسی کی تفصیلات
نمبر پلیٹ کی ملکیت: نئی پالیسی کے تحت گاڑی کی نمبر پلیٹ براہ راست مالک کے نام پر جاری کی جائے گی۔ جب کوئی گاڑی فروخت ہوگی تو اس کی موجودہ نمبر پلیٹ مالک اپنے پاس رکھے گا، اور نئے خریدار کو ایک نئی نمبر پلیٹ حاصل کرنا ہوگی۔

پرانی نمبر پلیٹ کا استعمال: اگر کوئی شخص اپنی پرانی نمبر پلیٹ کو نئی گاڑی پر استعمال کرنا چاہتا ہے تو اس کے لیے اضافی فیس ادا کرنا ہوگی۔ یہ فیس گاڑی کی قسم اور نمبر کی نوعیت پر منحصر ہوگی،

بائیو میٹرک تصدیق: گاڑیوں کی ٹرانسفر کے لیے بائیو میٹرک تصدیق کا نظام بھی متعارف کرایا گیا ہے، جس سے اس عمل کو مزید محفوظ اور آسان بنایا گیا ہے۔