محکمہ پولیس کے انتہائی محنتی، فرض شناس اور پیشہ ور افسران میں ہوتا ہے
جناب محمد بلال صاحب کو فرض شناسی پر محکمے کی جانب سے پہلے بھی انعامات سے نوازا جا چکا ہے
جہلم (خصوصی رپورٹ : ملک حسان قذافی): ڈسٹرکٹ پولیس آفیسر (DPO) جہلم کی ہدایت پر محکمہ پولیس میں داخلی رد و بدل اور اہم تعیناتیوں کے سلسلے میں محمد بلال کو ڈسٹرکٹ سیکیورٹی آفیسر (DSO) جہلم تعینات کر دیا گیا ہے۔ محمد بلال کا شمار محکمہ پولیس کے انتہائی محنتی، فرض شناس اور پیشہ ور افسران میں ہوتا ہے، جنہیں ان کی سابقہ تعیناتیوں کے دوران بہترین کارکردگی (Good Performance) کا مظاہرہ کرنے پر اعلیٰ حکام کی جانب سے متعدد بار تعریفی اسناد اور نقد انعامات سے بھی نوازا جا چکا ہے۔ محکمے کے تئیں ان کی خدمات اور پیشہ ورانہ ریکارڈ کو مدنظر رکھتے ہوئے انہیں اب ضلع کی سیکیورٹی جیسی کلیدی ذمہ داری سونپی گئی ہے۔
اپنی نئی ذمہ داریوں کے حوالے سے محمد بلال، ڈی پی او جہلم کے ساتھ مل کر ضلع بھر میں امن و امان کی صورتحال کو بہتر بنانے، حساس مقامات کی نگرانی اور وی وی آئی پی سیکیورٹی کے حوالے سے جامع حکمت عملی تشکیل دیں گے۔ جہلم کی سیکیورٹی کو مزید مؤثر بنانے اور جدید تقاضوں کے مطابق سیکیورٹی پلانز کی تیاری ان کے اولین اہداف میں شامل ہے۔ عوامی و سماجی حلقوں نے محمد بلال کی بطور ڈی ایس او تعیناتی کو خوش آئند قرار دیتے ہوئے امید ظاہر کی ہے کہ وہ اپنی بہترین انتظامی صلاحیتوں کو بروئے کار لاتے ہوئے ضلع میں امن و امان کی فضا کو مزید مستحکم کرنے میں اپنا بھرپور کردار ادا کریں گے۔
About the Author
