جہلم (ڈاکٹر سہیل امتیاز خان سے)ڈپٹی کمشنر جہلم میر رضا اوزگن کا القادر یونیورسٹی کا دورہ , تفصیلات کے مطابق ڈپٹی کمشنر جہلم میر رضا اوزگن نے القادر یونیورسٹی کا تفصیلی دورہ کیا جہاں انہوں نے یونیورسٹی کے مختلف ونگز میں جاری تعلیمی سرگرمیوں، انتظامات اور طلباء کو فراہم کردہ سہولیات کا جامع جائزہ لیا۔ دورے کے دوران ڈپٹی کمشنر نے کلاس رومز، لائبریری، لیبارٹریز اور آئی ٹی سیکشن کا معائنہ کرتے ہوئے وہاں موجود تعلیمی وسائل کی دستیابی کو پرکھا اور انتظامیہ کو ہدایات جاری کیں کہ تعلیمی معیار کو برقرار رکھنے کے ساتھ ساتھ طلباء کے لیے جدید تحقیقی مواقع پیدا کیے جائیں۔ میر رضا اوزگن نے خاص طور پر یونیورسٹی کی سیکورٹی، صفائی ستھرائی کے نظام اور نظم و ضبط کو مزید بہتر بنانے پر زور دیا تاکہ طلباء کو ایک محفوظ اور پرامن تعلیمی ماحول میسر آ سکے۔ انہوں نے انتظامیہ کو یہ بھی ہدایت کی کہ یونیورسٹی میں جاری ترقیاتی منصوبوں اور دیگر سہولیات کی فراہمی میں کسی قسم کی کوتاہی نہ برتی جائے تاکہ یہ ادارہ خطے میں اعلیٰ تعلیم کے فروغ کے لیے اپنا مثالی کردار ادا کرتا رہے۔
About the Author
