پنجاب میں آڑھت سسٹم ختم، سبزی و غلہ منڈیاں حکومتی کنٹرول میں؛ ‘وزیراعلیٰ کاشتکار بازار’ کا قیام
(تفصیل)
لاہور/جہلم (خصوصی نمائندہ): حکومت پنجاب نے صوبے بھر کی سبزی منڈیوں اور غلہ منڈیوں میں صدیوں پرانے آڑھت کے نظام کو ختم کرنے کے لیے ایک بڑا انقلابی قدم اٹھایا ہے۔ ذرائع کے مطابق، آئندہ چند روز میں تمام اضلاع کی منڈیاں مکمل طور پر صوبائی حکومت کے زیر انتظام آ جائیں گی۔ اس فیصلے کے تحت، سبزی منڈیوں کا نام تبدیل کر کے ‘وزیراعلیٰ کاشتکار بازار’ رکھ دیا گیا ہے۔ اس اہم اصلاحی اقدام کا بنیادی مقصد کاشتکاروں کا استحصال ختم کرنا اور صارفین کو مقررہ حکومتی نرخوں پر اشیائے ضروریہ کی فراہمی یقینی بنانا ہے۔ منڈیوں کے انتظامی امور اب حکومتی اہلکار سنبھالیں گے، جس سے آڑھتیوں کی من مانیاں اور ناجائز منافع خوری کا خاتمہ ہو جائے گا۔ نئے نظام کے تحت، منڈی میں داخل ہونے والی تمام گاڑیوں اور زرعی پیداوار کا مکمل ریکارڈ رکھا جائے گا اور فروخت کا عمل مکمل طور پر حکومتی نرخوں پر ہوگا، جس سے شفافیت کو فروغ ملے گا اور عوام کو مہنگائی سے نجات ملنے کی امید ہے۔ یہ فیصلہ عوام کو ریلیف فراہم کرنے اور زراعت کے شعبے میں پائیدار ترقی لانے کے حکومتی عزم کا عکاس ہے۔
About the Author
