میرپور (28 نومبر، 2025): میرپور کے علاقے ڈھیری نندوال کے مقام پر ایک افسوسناک ٹریفک حادثہ پیش آیا، جہاں ایک کار اور رکشہ میں شدید تصادم ہوا۔ ذرائع کے مطابق، تصادم اتنا شدید تھا کہ رکشہ قابو سے باہر ہو کر قریبی کھائی میں جا گرا۔ حادثے کے نتیجے میں رکشہ میں سوار تمام مسافر زخمی ہو گئے، جنہیں فوری طور پر ریسکیو اہلکاروں نے جائے حادثہ سے نکال کر علاج کے لیے ڈی ایچ کیو ہسپتال میرپور منتقل کر دیا۔ زخمیوں کی حالت اور حادثے کی وجوہات کے حوالے سے مزید تفصیلات متعلقہ حکام کی جانب سے فراہم نہیں کی گئیں، تاہم پولیس نے واقعے کی تحقیقات کا آغاز کر دیا ہے۔
About the Author
