ٹیکسلا(سٹی رپورٹر جمیل ساجن سے ): شہر کی مصروف شاہراہ ٹھٹہ روڈ جلالہ روڈ پر، ٹیکسلا چوک سے واپڈا گریڈ اسٹیشن تک، بجلی کے کھمبوں کی تنصیب ایک بڑا اور خطرناک مسئلہ بن چکی ہے۔ واپڈا کے یہ کھمبے سڑک کے عین درمیان میں نصب ہیں، جو نہ صرف ٹریفک کی ہموار روانی میں شدید رکاوٹ کا سبب بن رہے ہیں بلکہ کسی بھی لمحے ایک بڑے اور تباہ کن حادثے کا موجب بن سکتے ہیں۔ شہریوں نے اس صورتحال پر گہری تشویش کا اظہار کرتے ہوئے اسے واپڈا کی اپنی تجاوزات قرار دیا ہے۔ عوامی نمائندوں اور حکام بالا سے پُرزور مطالبہ کیا گیا ہے کہ وہ صورتحال کا فوری نوٹس لیں اور واپڈا کو پابند کریں کہ ان خطرناک کھمبوں کو بلاتاخیر سڑک کے وسط سے ہٹا کر محفوظ اور مقررہ جگہ پر از سرِ نو نصب کیا جائے، تاکہ شہریوں کو اس مستقل خطرے سے نجات مل سکے اور سڑک استعمال کرنے والے حادثات کے خوف سے آزاد ہو کر سکھ کا سانس لے سکیں۔
About the Author
