جہلم (13 جنوری 2026): وزیراعلیٰ پنجاب کے ویژن کے مطابق مذہبی طبقات کی خدمات کے اعتراف کے لیے ڈپٹی کمشنر جہلم میر رضا اوزگن کی خصوصی ہدایت پر تحصیل پنڈ دادنخان میں امام مساجد کے لیے حکومتِ پنجاب کی جانب سے فراہم کردہ پے آرڈرز کی تقسیم کا عمل مکمل کیا گیا۔ اس سلسلے میں ایک نجی میرج ہال میں تقریب کا انعقاد کیا گیا جہاں اسسٹنٹ کمشنر پنڈ دادنخان نادیہ پروین نے امام صاحبان میں پے آرڈرز تقسیم کیے۔
اسسٹنٹ کمشنر پنڈ دادنخان نادیہ پروین نے تقریب کے دوران پے آرڈرز کی تقسیم کے عمل کی خود نگرانی کی۔ امام صاحبان کی سہولت اور راہنمائی کے لیے باقاعدہ ڈیسک میونسپل کمیٹی میں بنایا گیا تھا جہاں سے تمام انتظامی معاملات اور ریکارڈ کی جانچ پڑتال کا کام شفاف طریقے سے سرانجام دیا گیا۔ میونسپل کمیٹی میں قائم ڈیسک کے ذریعے امام صاحبان کو پے آرڈرز کے حصول میں مکمل معاونت فراہم کی گئی۔
تقریب میں موجود امام صاحبان نے وزیراعلیٰ پنجاب اور ڈپٹی کمشنر جہلم میر رضا اوزگن کی جانب سے پے آرڈرز کی فراہمی پر اطمینان کا اظہار کیا۔ ان کا کہنا تھا کہ اسسٹنٹ کمشنر نادیہ پروین کی موجودگی میں نجی میرج ہال میں منعقدہ اس تقریب اور میونسپل کمیٹی میں فعال ڈیسک کی وجہ سے انہیں پے آرڈرز کی وصولی میں کسی دشواری کا سامنا نہیں کرنا پڑا اور ان کے دیگر مسائل کو بھی سنا گیا۔
ڈپٹی کمشنر جہلم میر رضا اوزگن کی ہدایت پر پنڈ دادنخان میں پے آرڈرز کی تقسیم کا یہ مرحلہ مکمل شفافیت کے ساتھ پایہ تکمیل تک پہنچا دیا گیا ہے۔ میونسپل کمیٹی میں بنایا گیا ڈیسک امام صاحبان کو ضروری سہولیات فراہم کرنے کے لیے متحرک رہا۔
About the Author
