پنجاب بار کونسل الیکشن 2025–2030 میں کامیاب امیدواران کو بیور چیف سرعام نیوزطاھر محمود ٹیکسیلا کے ممبران کی جانب سے دلی مبارکباد

استحکامِ پاکستان میں وکلاء کا کردار، عدالتی نظام کی مضبوطی اور نوجوان وکلاء کے مسائل کے حل پر زور

ٹیکسلا (پریس ریلیز) — بیور چیف سرعام نیوز طاہر محمود ٹیکسلا کے تمام معزز ممبران، سینئر وکلاء، جونیئر وکلاء، نوجوان وکلاء اور لیڈی ممبران کی جانب سے پنجاب بار کونسل الیکشن 2025–2030 میں کامیابی حاصل کرنے والے تمام معزز امیدواران کو دلی مبارکباد پیش کی گئی۔

اس موقع پر کہا گیا کہ سردار توصیف احمد خان (اٹک)، طلعت محمود خان (چکوال)، شیخ اکرم الحق (جہلم) اور راولپنڈی ڈویژن سے کامیاب ہونے والے نمائندگان فخر حیات اعوان، حسن عباس ہمدانی، محمد فیصل ملک، شاہد محمود عباسی اور چوہدری قیصر مشتاق نے وکلاء برادری کا اعتماد حاصل کر کے وکالت کے وقار میں اضافہ کیا ہے۔

وکلاء برادری کو توقع ہے کہ نومنتخب نمائندگان بارز کی فلاح و بہبود، عدلیہ کی آزادی، قانون کی بالادستی اور جوڈیشل سسٹم کی شفافیت کے لیے مؤثر کردار ادا کریں گے۔ عدلیہ کے وقار، انصاف کی بروقت فراہمی اور ادارہ جاتی شفافیت ہی ایک مضبوط اور مستحکم پاکستان کی ضمانت ہیں، اور ان اہداف کے حصول میں وکلاء برادری کا کردار بنیادی حیثیت رکھتا ہے۔

استحکامِ پاکستان میں وکیل کا کردار صرف عدالتوں تک محدود نہیں بلکہ وہ آئین، جمہوریت اور انسانی حقوق کا محافظ ہے۔ وکلاء ہمیشہ سے عوامی انصاف، ریاستی توازن اور قومی اداروں کے استحکام کے لیے صفِ اول میں رہے ہیں۔

نوجوان وکلاء کو درپیش معاشی، تربیتی اور پیشہ ورانہ مسائل کے حل کے لیے جامع پالیسی کی ضرورت پر بھی زور دیا گیا، تاکہ نئی نسل کو بارز میں بہتر مواقع، تربیتی سہولتیں اور پیشہ ورانہ رہنمائی حاصل ہو سکے۔

یہ انتخابات وکلاء کے اتحاد، عزم اور آئینی شعور کی جیت قرار دیے گئے۔ وکلاء برادری کا واضح پیغام ہے کہ اگر نومنتخب نمائندگان خلوصِ نیت اور دیانتداری کے ساتھ وکلاء کے حقوق اور عدالتی نظام کی اصلاح کے لیے کام کریں گے تو پوری برادری ان کے ساتھ شانہ بشانہ کھڑی ہوگی۔

آخر میں کہا گیا کہ کالے کوٹ کی یہ کامیابی دراصل قانون، انصاف اور پاکستان کے استحکام کی جیت ہے