آزادکشمیر میں ایکشن کمیٹی کا گمراہ کن پروپیگنڈہ اور کشمیر کی ترقی میں پاکستان کا کردار، حقائق جانئیے

اسلام آباد (علی چوھدری)
آزاد کشمیر میں جموں کشمیر لبریشن فرنٹ، پی ٹی آئی اور سُرخ انقلاب کی تشنہ آرزو لئے چند سرخوں نے 18 مہینوں سے کشمیر میں جو شورش پیدا کی ہوئی ہے اسکی وجہ سے آزاد کشمیر میں سیاحت میں 48٪ کمی ہوئی ہے جس سے مقامی افراد کو 167 ارب کا نقصان ہوا ہے، اور اگر سرمایہ کاروں کا نقصان بھی شامل کرلیا جائے تو یہ تقریباً 250 ارب کا معاشی نقصان بنتا ہے.

جبکہ اس نام نہاد ایکشن کمیٹی نے جو ٹیکس ختم کرنے مطالبہ کیا ہے وہ 20 ارب بھی نہیں.

یہ ہر تقریر ہر پوسٹ میں کہتے ہیں کہ مقبوضہ کشمیر ہم سے اتننننا آگے نکل گیا ہے اور جب ان سے پوچھتے ہیں کتنا آگے نکل گیا ہے تو نعرے مارتے ہیں کہ استحصال، ظالم ریاست، اسٹبلشمٹ، کشمیر کا پانی ،ڈیم اور بھانت بھانت کے Buzz Words دھراتے رہتے ہیں.

انہیں معلومات ہوکہ
آزاد کشمیر میں غربت کی شرح 22 جبکہ مقبوضہ کشمیر میں 49 فیصد ہے.
آزاد کشمیر سو فیصد ٹیلی کام کوریج ہے جبکہ مقبوضہ کشمیر کے 31 فیصد علاقے میں آج بھی موبائل سروس اور انٹرنیٹ نہیں ہے.
آزاد کشمیر میں 314 افراد پر ایک ڈاکٹر ہے جبکہ مقبوضہ کشمیر میں 660 افراد کے لئے ایک ڈاکٹر.
آزاد کشمیر میں تعلیم کی شرح 77 فیصد ہے اور مقبوضہ کشمیر میں یہ ہی شرح 67 فیصد.

پھر یہ کہتے ہیں کہ اسمبلی میں کشمیری مہاجرین کی جو 12 نشستیں ہیں انہیں ختم کرو یعنی کہ وہ کشمیری مہاجرین کو 1947، 65، 71، 88، 92 اور 95 میں پاکستان /آزاد کشمیر آئے انکی نمائندگی ہی نا ہو؟

پتا ہے یہ 12 سیٹیں کتنے افراد پر ہے؟ ان حلقوں میں کیسی شاندار مہم چلتی ہے اور کیسا مقابلہ ہوتا یے؟؟
بھارت نے مقبوضہ کشمیر میں آزاد کشمیر اور گلگت کے لئے 24 نشستیں رکھی ہوئی ہیں جو کہ خالی ہی رہتی ہیں.
دونوں ممالک میں سے جو یہ نشستیں ختم کرے گا وہ دراصل کشمیر کے دوسرے حصے پر اپنا حق ختم کرنے کا اعلان کرے گا.

انکی مانگ ہے کہ ہمارا بجلی کا بل اتنا کرو جو بجلی بنانے کی قیمت ہے, تو بھائی بجلی ٹرانشمین، تقسیم، انفراسٹرکچر اور مرمت کے پیسے کون دے گا؟ کشمیر میں موجود الیکٹرک کمپنیوں کے ملازمین کی تنخواہ کون دے گا؟
آزاد کشمیر میں 100 یونٹ تک بجلی آج بھی 4 روپے فی یونٹ ملتی ہے جبکہ پاکستان کے دیگر علاقوں کے صارفین اس ہی مد میں 9 روپے دیتے ہیں.
آزاد کشمیر میں کمرشل یونٹ 10 اور 15 روپے کا ہے جبکہ پاکستان کے دیگر علاقوں میں یہ یونٹ 34 اور 62 روپے کا ہے.

کشمیر میں آٹے کا جو تھیلا 2000 (رعایت شدہ رقم) وہی تھیلا پاکستان کے دیگر صوبوں میں 3000 کا ہے.

کشمیر کا بجٹ 310 ارب ہے جس میں سے 157 ارب روپے وفاقی حکومت دیتی ہے، حیران کن بات یہ ہے کہ کشمیر کے بجٹ کا 50 فیصد صرف سرکاری ملازمین کی تنخواہوں میں جاتا ہے جو آبادی کا 30 فیصد ہے، ایک تخمینہ یہ بھی ہے کہ کشمیر واحد علاقہ ہے جہاں تقریباً ہر گھر سے ایک فرد سرکاری ملازم ہے.

آزاد کشمیر کے طُلبہ کے لئے پاکستان کی 22 یونیورسٹیوں میں 125 نشستیں مختص ہیں ،پنجاب کے میڈیکل کالجز میں 36 نشستیں اسکے علاوہ ہیں.
جبکہ حکومت پنجاب نے کشمیر کے طلبہ کے لئے 75 کروڑ روپے کا کشمیر ایجوکیشنل اینڈونمنٹ فنڈ بھی رکھا ہوا ہے.
پچھلے بجٹ میں آزاد کشمیر انٹرمیڈیٹ اور سیکنڈری بورڈ کے تمام یتیم طُلبہ کی تعلیم کو وزیر اعظم کشمیر نے بالکل درست مفت کردیا تھا.
کشمیر کا ہر شہری کسی بھی CMH, MDS اور کسی بھی فوجی یونٹ کی ڈسپنسری سے مفت علاج کرواسکتا ہے.

ایک مطالبہ یہ لوگ انٹرنیشنل ائیر پورٹ کا بھی کرکے ہڑتال کی کال کو آگ دے رہے ہیں
حالانکہ مظفرآباد انٹرنیشل ائیرپورٹ کے لئے اپریل 2025 سے زمین کے حصول پر کام چل رہا ہے دوسری طرف میرپور میں انٹرنیشنل ائیر پورٹ کی فزیبلٹی بھی بن چکی ہے.
لہذا موجودہ احتجاج ہڑتال اور اسکے بعد کا لائحہ عمل حقوق کی تلفی اور حقوق حاصل کرنے کی جدوجہد ہے ہی نہیں
بلکہ یہ ایک منظم شورش ہے

جسکا کوئی تانا بانا نہیں
بلکہ پورے پورے تھان غیر ملکی سفارت خانوں اور دبئی میں بیٹھے بھارتی آڑھتیوں کے گوداموں سے ملینگے
آزاد کشمیر میں موجودہ شور شرابہ تحریک نہیں ہے
بلکہ اس گریٹر گیم کی ایک اننگ ہے جسکا ذکر راج ناتھ کررہا یے –

کشمیر بنے گا پاکستان-
پاکستان ھمیشہ زندہ باد-