آزادی صحافت پر بدترین حملہ : ایڈیٹر انچیف ملک حسان،بیوروچیف طاھر محمود، علی چوہدری اسلام آباد 'سرعام نیوز' نیٹورک سمیت صحافی برادری سراپا احتجاج

ایڈیٹر انچیف ملک حسان،بیوروچیف طاھر محمود، علی چوہدری اسلام آباد ‘سرعام نیوز’ نیٹورک سمیت صحافی برادری سراپا احتجاج

نیشنل پریس کلب کی حرمت پامال، صحافیوں پر تشدد کے خلاف شدید مذمت

‘سرعام نیوز’ نیٹورک کی جانب سے مذمتی قرارداد، وزیر داخلہ کا نوٹس، طلال چوہدری کی پریس کانفرنس
اسلام آباد (طاھر محمود، بیوروچیف ٹیکسلا):
آزادی صحافت کی تاریخ میں ایک اور سیاہ باب رقم کرتے ہوئے آج یکم اکتوبر 2025 کو اسلام آباد پولیس نے نیشنل پریس کلب (NPC) اسلام آباد کے تقدس کو پامال کر دیا۔

اسلام آباد پولیس کی بھاری نفری پریس کلب کے اندر گھس گئی اور صحافیوں پر شدید تشدد کیا۔
یہ واقعہ اُس وقت پیش آیا جب صحافی پریس کلب کے احاطے میں کشمیر اور غزہ میں اسرائیلی کارروائیوں اور بے جا قید و ظلم و بربریت کے خلاف عام عوام کے پر امن احتجاج کی کوریج کر رہے تھے۔
صحافیوں پر وحشیانہ تشدد اور پریس کلب کے تقدس کی پامالی

ذرائع کے مطابق، پولیس نے پریس کلب کی حدود کی خلاف ورزی کرتے ہوئے صحافیوں پر وحشیانہ تشدد کیا۔ پولیس اہلکاروں نے پریس کلب کے کیفے ٹیریا میں موجود صحافیوں کو ڈنڈے مار مار کر باہر نکالا، جس سے متعدد صحافی زخمی ہوئے۔ صحافتی حلقوں نے اس غیر قانونی کارروائی پر شدید غم و غصے کا اظہار کیا ہے اور اسے ریاستی جبر قرار دیا ہے۔
‘سرعام نیوز’ نیٹورک کی شدید مذمت

(اسلام آباد پریس کلب واقعہ کے خلاف افضل بٹ کی قیادت میں صحافیوں کا احتجاج جاری، تمام ایسوسی ایشنز اور یونینز کے عہدیدار شریک۔ شرکاء کی جانب سے اسلام آباد پولیس گردی کی سخت مذمت اور ذمہ داران کے خلاف فوری کارروائی کا مطالبہ۔)

سرعام نیوز نیٹورک کے ایڈیٹر انچیف ملک حسان، بیوروچیف ٹیکسلا طاھر محمود، علی چوہدری (اسلام آباد) اور ان کی پوری ٹیم نے اس واقعے کی شدید مذمت کی ہے۔ مذمتی بیان میں کہا گیا:
> "اسلام آباد پولیس نے پریس کلب کے تقدس کی دھجیاں آڑا دی ہیں اور ثابت کر دیا ہے کہ ملک میں آزادی صحافت کے لیے کوئی جگہ نہیں۔ پرامن احتجاج کی کوریج کرنے والے صحافیوں پر تشدد سراسر ظلم اور غیر قانونی عمل ہے۔ اس غیر ذمہ دارانہ کارروائی کے پیچھے کوئی ٹھوس جواز نہیں تھا، یہ صرف میڈیا کو ڈرانے کی کوشش ہے۔”

>
وزیر داخلہ کا مذمتی بیان اور طلال چوہدری کی پریس کانفرنس
صحافی برادری کی جانب سے شدید ردعمل اور مطالبے کے بعد، حکومت نے اس واقعے کا نوٹس لیا ہے۔
* وزیر داخلہ نے اپنے ایک مذمتی بیان میں واقعہ پر افسوس کا اظہار کیا اور کہا کہ پریس کلب کے اندر پولیس کا داخلہ اور صحافیوں پر تشدد کسی صورت قابل قبول نہیں۔ انہوں نے آئی جی اسلام آباد کو واقعہ کی مکمل انکوائری کا حکم دیا ہے تاکہ ذمہ دار اہلکاروں کے خلاف کارروائی کی جا سکے۔
* دریں اثناء، طلال چوہدری نے پریس کانفرنس کرتے ہوئے اس کارروائی کو آزادی صحافت پر بدترین حملہ قرار دیا اور حکومت کی طرف سے صحافی برادری کو انصاف دلانے کی یقین دہانی کروائی۔
صحافی تنظیموں نے مطالبہ کیا ہے کہ انکوائری کمیٹی کی رپورٹ کو جلد از جلد عام کیا جائے اور آئندہ اس طرح کے واقعات کی روک تھام کے لیے ٹھوس اقدامات کیے جائیں۔